Legal Aid Botswana ke lekalana le le thusang ka dithuso tsa semolao,jaaka bogakolodi, kemedi ko makgotleng a ditsheko, le go ruta ka ga ditshwanelo le maikarabelo mo molaong go ba ba sa kgonneng go ituelela babueledi ka mabaka a itsholelo.

Tsheka-tsheko ya Itsholelo e dirwa mo moikopeding mongwe le mongwe, go rurifatsa fa a sa kgone go ituelela mmueledi, mme ka jalo e le yo o lebanyweng ke ditirelo tsa rona.

Go ka thusiwa Batswana, baagaedi ba sennela ruri, le batshabi ba ba ka fa molaong fela, ba ba sa kgoneng go ka ituelela babueledi.